За време на саемот на пивото „Октоберфест“ во Минхен германските научници вооружени со мобилни апарати за мерење на капацитетот на белите дробови и EKГ апарати, се зафатија со едномесечна напорна работа, при што направија илјадници тестирања на мажи и жени кои биле "под стрес од алкохол"  - тоа е научниот термин кој го користеле за оваа состојба.

По извршените тестирања тие го објавиле нивниот заклучок во европскиот весник за здравје на срцето (European Heart Journal), а земајќи ги предвид возраста, полот, пушењето, земањето лекарства и постоечки болести на срцето. Единствениот заклучок едека дури и умереното консумирање на пиво е поврзано со појава на неправилен ритам на срцето или аритмии.

Во повеќето случаи овие појави се бенигни, со покачувања на вредностите кај само еден во четири случаи од 3.028 испитаници при што е забележана состојба наречена синус тахикардија, што значи дека ритамот на срцето надминувал 100 отчукувања во минута.

Но, кај еден во 20 случаи се забележени посериозни и загрижувачки аритмии, вклучувајќи атријална фибрилација, која доколку опстои и е постојана се поврзува со мозочен и срцев удар.

„Алкохолот влијае на срцевиот ритам, што не било докажано претходно", вели еден од истражувачите. Но, тој вели: "Она што се уште не се знае е тоа што случува откако луѓето ќе запрат со пиење или пак ќе продолжат да пијат. Што ќе се случи следниот ден или денот потоа?